אראבישע לענדער ווארענען איראנער רעזשים אז זיי וועלן רעאגירן מיליטעריש אויף יעדע איראנער אטאקע
אראבישע לענדער אינעם פערסישן גאלף ראיאן האבן געשיקט א ווארענונג פאר איראן אז סיי וועלכע דירעקטע אטאקעס קעגן זייער וויכטיגע אינפראסטרוקטור, וועט ברענגען מיליטערישע נקמה.
By Yiddish24
די ווארענונג האט אנגעגעבן פאר איראן אז די לענדער אינעם ראיאן וועלן זיך קאארדינירן אינאיינעם און אונטערנעמען מיליטערישע אפעראציעס קעגן איראן, און אויך וועלן די לענדער באזונדער רעאגירן צו יעדע איראנער אטאקע.
די ווארענונג איז איבערגעגעבן געווארן צווישן אנדערן דורך די עמירעיטס און קאטאר, וועלכע האבן שוין אנגעהויבן דעפענסיווע מיליטערישע צוגרייטונגען פאר מעגליכע איראנער אטאקעס אויף אירע ענערגיע איינריכטונגען.
Source: Yiddish24Read the original at Yiddish24
