שוין פינף טעג וואס די ארבעטער פון די קליידער פאבריקן אין באנגלאדעש פארפלייצן די גאסן מיט פראטעסטן

דערווייל פארדינען די ארבעטער בלויז בערך 100 דאלאר א חודש, לויט א געהאלט-סטרוקטור וואס איז באשטימט געווארן אין יאר 2023, טראץ וואס די פרייזן פאר עסן, רענט, און טראנספארטאציע האלטן אין איין שטייגן.

צוליב די אומרוען האבן הונדערטער פאבריקן אפגעשלאסן זייערע טויערן, בשעת די פראטעסטירער בלאקירן די הויפט שאסייען נעבן די שטאט דאקא. די פאליציי האט רעאגירט מיט טרערן-גאז און סאונד-גראנאטן צו צושפרייטן די פארזאמלטע.

די דאזיגע ארבעטער זענען א טייל פון א ריזיגע גרופע פון 4 מיליאן מענטשן וואס זענען פראקטיש דאס גאנצע הארץ פון די עקאנאמיע, פראדוצירנדיג איבער 80 פראצענט פון אלע עקספארטן פון באנגלאדעש. זיי זענען די וואס נייען די קליידער פאר די גרויסע וועלט-בארימטע פירמעס ווי H&M, זארא, און וואלמארט.

א ספעציעלע געהאלט קאמיסיע האט נעכטן מסכים געווען איינצופירן א נייע געהאלט סיסטעם וואס וועט אריין אין קראפט קומענדיגן דעצעמבער.