באמבע שרעק פאראורזאכט שטערונגען ביי פלייטס איבער אייראפע
ווייניגסטנס 16 קאמערציאלע פלייטס איבער גאנץ אייראפע האבן באקומען באמבע סטראשונקעס, וואס האט פאראורזאכט אפעראציאנעלע שטערונגען און מיליטערישע באגלייטונגען אין פראנקרייך, בולגאריע, איטאליע, בעלגיע, און טשעכיי.
By Expert
אמווייניגסטנס צוועלף פלייטס זענען געווארן געצוואונגען זיך צו דרייען צו אנדערע לופטפעלדער, אריינגערעכנט איין עראפלאן וואס מען האט געשיקט לאנדן אין א פראנצויזישע מיליטערישע באזע.
די אויטאריטעטן האבן באשטעטיגט אז מען האט נישט געפינען קיין שום אויפרייס מאטעריאל אויף קיין איינע פון די עראפלאנען, און לויט ווי עס קוקט יעצט אויס זענען די אלע סטראשונקעס געווען סתם פאלשע שרעק.
