נייע סאטמארע בית המדרש געעפנט אויף בעיקערטאון אין קרית יואל
נייע סאטמארע בית המדרש געעפנט אויף בעיקערטאון אין קרית יואל
תלמידי וחסידי סאטמאר אין קרית יואל לעבן ווידער מיט הרחבת גבולי הקדושה, ווען דעם פארגאנגענעם שבת איז געעפנט געווארן א נייע בית המדרש פאר חסידי סאטמאר אין שטאט, דאסמאל פאר די איינוואוינער אין די בעיקערטאון געגנט, וואו עס ווערט פארענדיגט אצינד די נייע עיקערס ענקלעיוו דעוועלאפמענט און נאך דעוועלאפמענטס און פילע הייזער.
די דאזיגע בית המדרש איז שוין די פופצנטע בית המדרש דקהל יטב לב ד'סאטמאר אין קרית יואל, אויסער די צענטראלע בית המדרש פון די קהילה בנין אליהו אויף גארפיעלד, און נאך פילע בתי מדרשים פארשפרייט איבער די גאנצע שטאט און אין די ארומיגע געגנטער.
די הנהלת הקהילה האט אפגעקויפט א גרויסן שטח אויף 155 בעיקערטאון, וואו מען האפט בקרוב אנצוהייבן א מאסיווע בוי פראיעקט אויפצובויען א שפאגל נייע בנין בית המדרש לשם ולתפארת. דערווייל האט מען געעפנט דעם בית המדרש אין די געביידע וואס שטייט אויפן שטח, און פארגאנגענעם שבת פרשת וירא איז צום ערשטן מאל געווארן אפגעראכטן די תפילות ברוב עם אין די נייע שוהל.
אלס דומ"ץ הביהמ"ד איז געווארן אויפגענומען הרה"ג ר' יואל אלימלך כהנא שליט"א מרבני בית הוראה דק"ק סאטמאר אין קרית יואל, בברכת הקודש פון כ"ק אדמו"ר מסאטמאר שליט"א, ובהדרכתו פון בנו הגדול דער רב הקהילה הגה"צ ר' חיים צבי טייטלבוים שליט"א אבד"ק סאטמאר ירושלים.
גרויסער בנין אפגעקויפט אין אנטווערפן, פאר נייע ביהמ"ד "תורת מרדכי" דחסידי וויזשניץ
ניינטע שטיבל פאר חסידי סקווירא געעפנט אין מאנסי, אין די נעניועט געגנט נעבן ניו סיטי
מוסיפין על העזרות: נייע בתי מדרשים "צאנז זימיגראד" וועט אויפגעבויעט ווערן אין בארא פארק און אין קרית יואל
Are you sure you want to proceed with the purchase?
שרייבט אייך איין צו באקומען אונזערע טעגליכע אימעילס
