דער העכסטער איראנער זיכערהייט באאמטער איז אנגעקומען צום קרעמלין אין מאסקאווע, איבערגעבנדיג א ספעציעלע מעסעדזש פאר פוטין פונעם העכסטן איראנער פירער

מאכסען רעזאאי האט זיך געטראפן מיט פוטין אין א צייט וואס טעהראן און מאסקאווע פארשטערקערן זייערע הויכראנגיגע באראטונגען איבער די מצב אין מיטל מזרח און זייער סטראטעגישע שותפות. ביי די רוסישע דעלעגאציע זענען אויך אנוועזנד געווען פוטין'ס געהילף פאר אויסערן פאליטיק, יורי אושאקאוו, און דער שעף פון די מיליטערישע שפיאנאזש, איגאר קאסטיוקאוו.

די אינהאלט פונעם בריוו וואס דער העכסטער פירער מודזשאטאבא כאמענעי האט געשיקט איז דערווייל נישט פארעפנטליכט געווארן.

די באגעגעניש קומט נאכדעם וואס רעזאאי און פוטין האבן שוין געהאט א טעלעפאנישע שמועס מיט דריי טעג צוריק, וואו זיי האבן דורכגערעדט די פרישע אנטוויקלונגען אין מערב אזיע און די אנהאלטנדע סטראטעגישע קאאפעראציע צווישן די צוויי לענדער.